ഘടികാര സൂചിയുടെ ഹൃദയതുടിപ്പുകള്‍ക്കിടയിലൂടെ
ഇറ്റുവീണുകൊണ്ടിരിക്കുന്ന നിമിഷത്തുള്ളികള്‍ ....
പെയ്തൊഴിയാന്‍ കാലമെത്തിയതറിയാതെ കാത്തിരിക്കുന്ന
കനവുകളുടെ കാര്‍മേഘക്കര്‍ക്കിടകം ....
കൊടും ശൈത്യതിലുറച്ചുപോയ മനസ്സിലെവിടെയോ
ചുടുചുംബനവുമായിയിപ്പതിക്കുന്ന പ്രതീക്ഷയുടെ പ്രകാശരേണു ....
മുത്തായുയിര്‍കൊള്ളുന്ന മഴത്തുള്ളിയെക്കാത്ത്
അലകളിളകാതെ വ്രതമിരിക്കുന്ന പ്രണയത്തിന്‍റെ കടലാഴം ....
നിന്‍റെ പുഞ്ചിരിക്കിളിയെ അമ്പെയ്തുവീഴ്ത്തി തുടങ്ങാനിരിക്കുന്നത്
ചിതല്‍പ്പുറ്റുതീര്‍ക്കുന്ന എന്‍റെ യഥാര്‍ത്ഥ സന്യാസം ....
